വ്യക്തിഗത വിദ്യഭ്യാസ പദ്ധതി നന്നായി എഴുതുന്ന വിധം .
ദീർഘ കാല ലക്ഷ്യങ്ങൾ ANNUAL GOALS തീരുമാനിക്കുന്നതെങ്ങിനെ ?
വായന എന്ന മേഖലയുമായി ബന്ധപ്പെട്ട
ദീർഘ കാല ലക്ഷ്യങ്ങൾ :ANNUAL GOALS
ഉദാഹരണം : 1
ഒരു വർഷകാലത്തെ (ഏറ്റവും കുറഞ്ഞത് ആകെ 50 മണിക്കൂറുകളെങ്കിലും) വായന ,ധാരണാ മേഖലകളിലെ പരിശീലനത്തിനു ശേഷം രണ്ടാം ക്‌ളാസ്സിലെ പാഠപുസ്തകത്തിലെ ഒരു പാഠഭാഗം വായിക്കാൻ പറഞ്ഞാൽ , സുരേഷ് ഒരു മിനിട്ടിൽ 50 വാക്കുകൾ എന്ന തോതിൽ വായിക്കും . ഈ ഭാഗത്തെ അടിസ്ഥാനപ്പെടുത്തിയുള്ള ധാരണാ ചോദ്യങ്ങൾക്ക് 80 ശതമാനം കൃത്യതയോടെ മറുപടി പറയും .
( When presented with a story from the 2nd grade level text, Sarayu will read at a rate of 50 wpm and say right answers to 80% questions asked from the passage after a 12 months’ reading comprehension practices)
ദീർഘ കാല ലക്ഷ്യം എങ്ങിനെ കൃത്യമാക്കാം ?
മുകളിൽ എഴുതിയ ദീർഘ കാല ലക്ഷ്യം കുട്ടിയുടെ ഇപ്പോഴത്തെ നിലവാരം അനുസരിച്ചു സ്വീകാര്യം ആണോ എന്നു സ്വയം പരിശോധിക്കുക :
താഴെ കൊടുത്തവിധത്തിൽ സ്വയം ചോദ്യങ്ങൾ ചോദിച്ചു കൊണ്ട് ദീർഘ കാല ലക്ഷ്യ ത്തിനു വേണ്ടുന്ന എല്ലാ ഗുണങ്ങളും തികഞ്ഞുവോ(smart ?) എന്നു പരിശോധിക്കാം .
(1 ) പ്രവർത്തന മേഖലയുടെ ഉള്ളടക്കം , വ്യാപ്തി ഇവ പരിമിതപ്പെടുത്തപ്പെട്ടതും ആർക്കും കൃത്യമായി തിരിച്ചറിയാവുന്നതും ആണോ ?
specific ?
സുരേഷിന് നൽകുന്ന പരിശീലനം ഏതു ക്‌ളാസ്സിലെ / ഏതു പാഠഭാഗത്തിലേതു ആകാം ? ഏതു മേഖലയിൽ ആണ് പരിശീലനം ? ഒന്നിലധികം മേഖലകൾ പരിശോധിക്കപ്പെടുന്നുണ്ടോ ? പരിശീലനം നൽകുന്ന മേഖലകൾ എല്ലാം ഉൾപ്പെട്ടിട്ടുണ്ടോ ?
(2 ) പഠന നേട്ടം അളക്കാവുന്നത് ആണോ ? measurable ?
( 80 വാക്കുകൾ ഉള്ള ഒരു കഥ വായിക്കാൻ എത്ര സമയമെടുക്കും ? ഉത്തരം എത്ര ശതമാനം കൃത്യമായിരിക്കും ?10 ചോദ്യങ്ങൾ ചോദിച്ചാൽ സുരേഷിൻറെ എത്ര ഉത്തരങ്ങൾ ശരിയായിരിക്കും ? )
(3) പഠനനേട്ടം സുരേഷിന് നേടാവുന്ന അളവിൽ ആണോ ? achievable ?
ഒരു വർഷത്തെ പരിശീലനം കൊണ്ട് അയാൾക്ക് ഇത്രയും വേഗത്തിൽ വായിക്കാൻ കഴിയുമോ ? ഇപ്പോഴത്തെ വേഗത അളന്നിട്ടുണ്ടോ ? അതിൻറെ തൊട്ട്‌ ഉയർന്ന വേഗത നിരക്ക് ആണോ ലക്ഷ്യമിട്ടത് ?
സുരേഷിന് ഇപ്പോൾ എത്ര ഉത്തരങ്ങൾ ശരിയാക്കുന്നുണ്ട് ? അത് 10 ൽ 5 എന്ന നിരക്കിൽ എങ്കിലുമാണോ ? ഇ പ്പോഴത്തെ കൃത്യത അളന്നിട്ടുണ്ടോ ? അതിൻറെ തൊട്ട്‌ ഉയർന്ന നിരക്ക് ആണോ ലക്ഷ്യമിട്ടത് ?
(4) ഉദ്ദേശിക്കുന്ന പഠനനേട്ടം സുരേഷിന് നേടാൻ കഴിയുന്ന ഒന്ന് ആണോ ? realistic ?
(5 ) സമയ ബന്ധിതമാണോ ? time bound ? ( എത്ര കാലത്തിനുള്ളിൽ പൂർത്തീകരിക്കും ? .ക്‌ളാസ്സിനായി കുറഞ്ഞത് എത്ര മണിക്കൂർ ചെലവഴിക്കും ?)
......അയാളുടെ ഇപ്പോഴത്തെ നിലവാരം ഒന്നാം ക്‌ളാസ്സിനു സമാനം ആണോ ?
.......ലഘുവായ വാക്യങ്ങൾ ധാരണയോടെ വായിക്കാൻ കഴിയുന്നുണ്ടോ ? വായന /ധാരണ എന്നിവയുടെ ഏതെങ്കിലും ചില ഉപകഴിവുകൾ എങ്കിലും അയാൾക്ക് ഇപ്പോൾ ഉണ്ടോ ?
ദീർഘ കാല ലക്ഷ്യങ്ങൾ : കൃത്യമായി എഴുതണമെങ്കിൽ
(1 ) ആ മേഖലയിൽ (ഉദാ :വായന / ധാരണ )കുട്ടി ഏതു ക്‌ളാസ്സിലെ നിലവാരം പുലർത്തുന്നു എന്ന് കൃത്യമായി അറിഞ്ഞിരിക്കണം .
അതിനു വേണ്ട ചോദ്യങ്ങൾ അസ്സമെന്റ് സമയത്തു അല്ലെങ്കിൽ സ്പെസിഫിക് അനാലിസിസ് സമയത്തു നൽകി കൃത്യമായി വിലയിരുത്തണം .
(2 ) പ്രവർത്തനത്തിന്റെ (ഉദാ :വായനയുടെ) ഇപ്പോഴത്തെ വേഗത കുട്ടിക്ക് അറിയാവുന്ന വാക്യങ്ങൾ / ഒരു കൂട്ടം വാക്കുകൾ നൽകി കൃത്യമായി രേഖപ്പെടുത്തണം .
(3 ) പ്രവർത്തനത്തിന്റെ (ഉദാ :വായനയുടെ) ഇപ്പോഴത്തെ കൃത്യത കുട്ടിക്ക് അറിയാവുന്ന മേഖലയിൽ /ക്‌ളാസിലെ പാഠഭാഗത്തു നിന്നു 1വ്യത്യസ്ത നിലവാരത്തിലുള്ള 10 ചോദ്യങ്ങൾ എങ്കിലും നൽകി ഉത്തരം പറയിപ്പിച്ചോ / എഴുതിച്ചോ ( ഏറെ എളുപ്പമുള്ളത്./ എളുപ്പമുള്ളത് പ്രയാസമുള്ളത്)കൃ ത്യമായി രേഖപ്പെടുത്തണം .
(4 ) പ്രവർത്തനത്തിന്റെ (ഉദാ : വായനയുടെ) ഉപ കഴിവുകൾ -component skills - കുട്ടിക്ക് ഉണ്ടോ എന്ന് പ്രത്യേക വിശകലനം നടത്തി രേഖപ്പെടുത്തി വെക്കണം .
ഇങ്ങനെ കഴിവുകളുടെ / ഉപകഴിവുകളുടെ ഇപ്പോഴത്തെ നിലവാരം കണ്ടുപിടിച്ചു രേഖപ്പെടുത്തുന്നതിനെയാണ് പ്രത്യേക വിശകലന രേഖ ( specific analysis report ) എന്ന് പറയുന്നത് .
എന്തൊക്കെയാണ് വായനയുടെ ഉപ കഴിവുകൾ ( component skills of reading ? )
1 .phonics ശബ് ദ അക്ഷര സംയോജന സമീപനം
2.phonemic awareness വർണപരമായ അറിവ്
3.vocabulary പദ സഞ്ചയ ബോധം
4. fluency ഒഴുക്കുള്ള വായന
5.comprehension അർത്ഥഗ്രഹണം / ധാരണ
........................................................................................
-Radhakrishnan C K
.png)